MÁIS SOBRE O BINOMIO FANTÁSTICO: a crear historias!

Agora que xa sabedes como crear historias empregando a técnica do Binomio fantástico, vos achegamos un enlace do blog Lapicero mágico que emprega a técnica de crear historias con recortes de noticias. Esperamos ver as vosas propostas!

ESCRITURA CREATIVA: binomio fantástico

ESCRITURA CREATIVA: O Binomio Fantástico

APRENDE CIENCIA NA CASA

Neste tempos nos que ciencia por fin parece ocupar o lugar que merecía queriamos achegarvos a ciencia á vosa casa.
Sabedes o que é o CSIC? O CSIC e o Consello Superior de Investigacións Científicas, dependente do Ministerio de Ciencia e Innovación. Dende o CSIC nos proporcionan unha seri de recursos didácticos moi interesantes para achegar o coñecemento científico ás nosas casas. Tedes xogos, vídeos, exposicións virtuais, etc. Esperamos que vos sexa de utilidade.

APRENDE CIENCIA NA CASA

PICTOCUENTOS

Vos achegamos unha web moi interesante, PICTOCUENTOS, que ten á vosa disposición contos populares adaptados con pictogramas, unha forma accesible para moitos.

PICTOCUENTOS

OS CONTOS DA PROFE BEA: Cómo atrapar una estrella

Aquí tedes o novo conto da profe Bea, Cómo atrapar una estrella. Esperamos que vos guste tanto como o anterior!

RECURSOS LITERARIOS E DIDÁCTICOS

Boas a tod@s!
Dende a web Ayuda para maestros nos proporcionan diversos recursos tanto didácticos como literarios para os nenos, entre eles unha colección de audiolibros, en varios idiomas e de diferentes niveis, tamén para adultos. Tedes así outra forma diferente de achegarvos á literatura. Esperamos que vos gusten!

AYUDA PARA MAESTROS: recursos literarios e didácticos

LECTURAS GRATUÍTAS EDITORIAIS ANAYA E SM

Achegámosvos outros enlaces que nos mandan das editoriais Anaya e SM.
No caso da editorial Anaya poderedes ler online algunha das súas obras. 

Premede no seguinte enlace:

OBRAS ONLINE EDITORIAL ANAYA

Por outra banda a editorial SM vos propón YO APRENDO EN CASA, unha web de recursos relacionados tanto coa literatura da editorial como das diferentes materias educativas. Tedes todo o contido no enlace que vos damos a continuación:

YO APRENDO EN CASA: EDITORIAL SM

LIBROXOGOS E ESCAPE ROOM GRATUÍTOS

A páxina web El club Dante é unha web especializada en xogos de mesa modernos. Botade unha ollada aos seus contidos, sobre todo os máis maiores do cole, porque pode que algún dos seus post sexan interesantes para vós.

Pero en concreto nos paramos nun enlace especialmente interesante adicado a Libroxogos interactivos e Escape room para estes días de encerro. Todos os que relata son gratuítos e seguramente algún deles vos dea momentos de diversión.

Accede dende aquí: 

EL CLUB DANTE

FELIZ DÍA DO TEATRO!

Hoxe celébrase o día do teatro, e tendo en conta a experiencia teatral do noso cole, da man do noso profe Xosé Manuel Alonso, dende a Biblioteca queriamos facer unha homenaxe a este arte tan importante e tan relacionado coa literatura.
Agora que non podemos disfrutar do teatro en directo (pero poderemos pronto, seguro) vos deixamos algunhas propostas para que poidades disfrutar dende a vosa casa. Arriba o telón!

ENLACES GRATUÍTOS PARA PODER DISFRUTAR DO TEATRO NA CASA:

Teatroteca, unha iniciativa do Ministerio de Cultura, da opción de disfrutar do seu amplo catálogo de obras teatrais seguindo uns pasos sinxelos para poder acceder a elas. Podedes acceder dende o seguinte enlace:

TEATROTECA

O teatro. Recursos TIC: dende a páxina da Consellería de Educación podedes acceder a diferentes recursos relacionados co teatro para nenos, xogos, obras, kamishibai, etc. Dende o seguinte enlace:

TEATRO: RECURSOS TIC

OS CONTOS DA PROFE BEA: Chivos Chivones

Vos deixamos coa profe Bea que hoxe vos conta o conto dos Chivos Chivones. Que o disfrutedes!

KALANDRAKA: contos contados

Dende a editorial Kalandraka e o seu canal de TV invítannos a disfrutar dalgúns dos seus contos máis populares da man de moitos ds seus autores. Botade unha ollada!

KALANDRAKA TV: contos contados

GALICIA LE: plataforma de préstamo en formato electrónico

A rede de Bibliotecas públicas de Galicia abre, por mor da crise do coronavirus, o catálogo de préstamo de obras en formato electrónico para todas as persoas que así o desexen, aínda que non sexan usuarios dalgunha Biblioteca da rede. 
Deixámosvos o enlace para que poidades acceder.

GALICIA LE

PROBLEMA COAS PÁXINAS DO BLOG

Ola a tod@s, estamos intentando resolver algúns problemas técnicos, posto que agora mesmo as diferentes publicacións só se poden consultar dende a páxina principal ou dentro do menú "etiquetas", pero podedes acceder ao contido sen problemas. Disculpade as molestias e un saúdo.

ATA SEMPRE, UDERZO! Grazas por todo e máis

Hoxe temos que lamentar a morte de Albert Uderzo, o pai de Astérix. Dendre a biblioteca queremos facerlle unha homenaxe por tantos anos de humor. Unha aperta alá onde esteas!

Estamos no ano 50 antes de Xesús Cristo. Toda a Galia esta ocupada polos romanos...Toda? Non! Unha aldea poblada por irreductibles galos aínda resiste todavía e sempre ao invasor!

MOCHILAS POLA IGUALDADE

Tal e como vos anunciamos días atrás dende a Biblioteca puxemos en marcha neste curso unha nova actividade, As mochilas pola igualdade, unha proposta de lectura e xogo compartido para disfrutar en familia e reflexionar sobre a importancia da igualdade entre nenos e nenas. Esperamos que vos guste a experiencia e a poidades compartir con nós tamén.

RECORDANDO A NORA: pronto volveremos a vernos!

Antes de que todo isto cambiase as nosas vidas para sempre, na Biblioteca estabamos con moitas actividades, proxectos, e ilusións que neste momento están en paréntese, pero que prontiño prontiño prontiño volverán a estar vivas de novo.
Unha delas era a actividade en colaboración co Concello e o proxecto R.E.A.D., de cans de lectura.
Presentámosvos a Nora, un novo membro por un tempo da nosa comunidade escolar e que esperamos ver mási pronto do que pensamos! Unha aperta Nora, e tamén a Laura, a súa adestradora!

OS BOOKTUBERS ESTÁN DE VOLTA: Caderno de Bitácora

Ola a td@s!:
Neste momentos de confinamento nas nosas casas podemos recuperar unha actividade que levamos facendo dende o curso pasado, Os Booktubers, pero adaptándonos á nova situación, e grabando Cadernos de Bitácora virtuais.
Sabedes o que son os Cadernos de Bitácora?
Son os cadernos que escriben os marinos cando están en alta mar, contando todo o que acontece no barco, día a día, mes a mes.
Pois nós podemos facer o mesmo. Vos propoñemos que grabedes ou escribades o voso propio Caderno de Bitácora, explicándonos que estades a facer, como levades estes días en familia, e por suposto, achgándonos as vosas propostas literarias porque que mellor momento que este para ler, e sobre todo, para compartir lecturas. 
Esperamos as vosas propostas!

Ola a tod@s!

Ola nenos e nenas! Son Olegario, o rato bibliotecario.
 Teño que recoñecer que estiven moi preocupado...Xa sabedes que durmo polo día e que por iso tedes que estar caladiños na Biblio, para que poida descansar. Pero de súpeto, sen avisar, sentín un silencio estremecedor, de noite, pero tamén de día...entón lin o que pasaba, e por que non vos escoito dende o día 13 de marzo...
Estou triste porque boto de menos as vosas palabras, as vosas visitas e, quen o ía dicir, boto de menos cando falades moi alto e me doe a cabeza, vos boto moito moito de menos.
Pero sei que estades a ser uns campións porque estades todos e todas na casa e iso é importantísimo porque segundo escoitei por ahí canto máis esteamos na casa, peor o pasa o maldito virus ese e pronto volveremos a estar xuntos.
Así que non vos desanimedes porque cando vos deades de conta estaredes outra vez comigo, e eu volverei a ser tan feliz como era antes.
De todos xeitos, non pensedes que estiven quieto, non. Estiven investigando, lendo moito e agora vou compartir con vós todo o que atopei por si vos axuda a levar un pouquiño mellor iso de estar na casa metidos.
Un biquiño e apertas de libros!!
Olegario

A ACTIVIDADE DA SEMANA: Lanza os dados e crea historias con animais

Vos propoñemos esta semana xogar a crear historias lanzando os dados. 
A mecánica é moi sinxela: podedes lanzar os dados tantas veces como queirades e elixir unha personaxe, un escenario e unha situación. Unha vez teñades as tres cousas, só vos queda crear a vosa historia, e xa sabedes, canto máis disparatada, mellor!

OS NOSOS CONTOS CON OQO FILMES: Cocorico

Comezamos a semana con Cocorico, esperamos que o disfrutedes!

ENLACES WEB: EDITORIAL GALAXIA

Vos deixamos o enlace ao canal de Youtube da Editorial Galaxia, Sonárbore, para que poidades acceder aos contidos que ofrcen, con moitos vídeos dos diferentes libro-discos que teñen no seu catálogo. 
Esperamos que vos guste!
SONÁRBORE
https://www.youtube.com/user/sonarboretv/